Afmæli !!!

Núna í dag er ástmaðurinn 49 ára afmælisbarn og við ætlum að vera saman og hafa það huggulegt ! Við stelpurnar ætlum að byrja daginn á að elda enskan morgunverð handa afmælisbarninu, láta hann blása á öll kertin og baða hann svo í gjöfum.

Ég vil meina að afmæli séu heilög. Afmælisbarnið á að hafa það gott allan daginn og fá það sem það vill. Þetta segi ég kannksi líka vegna þess að það eru bara 3 vikur í mitt afmæli og ég vil hafa þessar reglur á hreinu þangað til !

Af veikindum mínum er bara það að segja að krabbalyfin fara illa í mig en ekki nógu illa í krabbann sjálfan, þ.e.a.s. hann er í góðum gír að koma sér ennþá betur í skrokknum mínum. Það er verið að reyna að finna einhverja lausn á þessu en gengur samt mjög hægt. Það er svona þegar maður álpast til að fá einhvern fáránlega sjaldgæfan krabba sem enginn virðist geta tæklað með einhverju. Ég hef samt eins og alltaf fulla trú á að einver brilliant lausn detti inn og allt fari í gang. Pollýanna.com !

 

Ég er samt að vera mjög þreytt og pissed á þessu heilsuleysi. Get ekki gert nein plön að ráði því ég veit aldrei hvenær líkaminn fær nóg af öllu þessu og verður veikur. Mig langar að geta gert plön fyrir sumarið með fólkinu mínu en þori það ekki því það er fátt verra en að þurfa að eyðileggja öll skemmtilegu plönin fyrir stelpunum okkar. 

 

Það er víst komið að því enn einu sinni að bíða róleg og sjá hvað gerist. Það er allavega eitthvað plan !

 

Þangað til næst, prinsessan sem ætlar að verða virkari og virkari á blogginu :)

Athugasemdir

[Barbietec (IP-tala skráð) 13.4.2012 kl. 08:45]

Til hamingu með kagglinn!!!!

Dekraðu hann í spað!!! Enskur morgunmatur hjólmar hrikalega vel!

Hlakka til að hitta þig, orði of langt síðan!

[Ásta (IP-tala skráð) 13.4.2012 kl. 11:06]

Til lukku með husbandið  Vona að dagurinn verði ykkur góður og skemmtilegur.

KNÚS í hús

Ásta

[Sólveig (IP-tala skráð) 23.4.2012 kl. 22:59]

Tíu dagar liðnir frá því þú bloggaðir en samt betra að senda hamingjuóskir þó seint sé en ekki.

Mjog slæmt að heyra þetta með heilsuna þína PRINSESSA, en ég segi eins og Pollýanna, það gerist eitthvert kraftaverk í þessu.

Vonandi getið þið komist í gott frí ekkert endilega í sumar hér, heldur bara þegar þú ert hress, það er komið sumar út um allan heim. En kannski eigið þið ekki val um það vegna vinnu ástmannsins, eða annara ástæðna.

Sendi allavega bjartsýnis kærleikskveðjur

Frá Sólveigu